español  | galego 
Foto

Plugin nova individual

IMPULSO PARA A CREACIÓN DUN COMITÉ DE ÉTICA

[05/05/2017] Categoría: Consorcio As Mariñas, Destacados

Onte foi presentado no Salón de Graos da Facultade de Dereito da Universidade da Coruña o proxecto de creación dun Comité de Ética no ámbito dos Servizos Sociais Comunitarios co obxectivo de promover unha intervención social de calidade, baseada en dous pilares fundamentais: a competencia técnica e a excelencia ética. É un proxecto cun marcado carácter pioneiro en innovador na práctica dos Servizos Sociais na Comunidade Autónoma de Galicia, xa que non existen precedentes nesta materia.

Para poder acadar este ambicioso obxectivo é necesario levar a cabo inicialmente un período de formación dirixido aos equipos de profesionais dos distintos concellos que integran o Consorcio. Esta formación será impartida e coordinada polo Grupo de investigación Filosofía, Constitución e Racionalidade da Universidade da Coruña, do que forman parte distintos docentes universitarios con ampla experiencia neste ámbito, dirixidos por Jose Antonio Seoane, actual Decano da Facultade de Dereito da Universidade da Coruña, experto en ética e membro de diversos comités de ética.

Por outra banda, considérase fundamental transmitir á sociedade en xeral os valores da Bioética nos Servizos Sociais así como compartir experiencias similares doutras Comunidades Autónomas, para o que se organiza un ciclo de conferencias na Fundación Paideia con expertas na materia procedentes de Asturias, País Vasco e Cataluña, comunidades pioneiras nos comités de ética na intervención social.

Voltar
Consorcio As Mariñas Lugar de Bos, Naves O Carballalll nº4 15640 Guisamo, Bergondo (A Coruña) Tlf. 981 784 704 Fax. 981 784 721 info@consorcioam.org