español  | galego 
Foto
 »  Consorcio As Mariñas »  Agenda

Encabezado Agenda

Agenda

Plugin agenda

[25/10/17] RECOLLIDA FESTIVOS DE NOVEMBRO

Infórmase que, con motivo da festividades de Todos os Santos e de San Martín de Porres, patrón dos barrendeiros, e según recolle o convenio colectivo en vigor para o centro de traballo de Cespa As Mariñas, os vindeiros días mércores 1 e venres 3 de novembro non haberá servizo de recollida de residuos urbanos.

Igualmente infórmase que tanto os puntos limpos do Consorcio As Mariñas coma as oficinas de Cespa en Bergondo permanecerán pechadas os indicados mércores 1 e venres 3 de novembro.

Desculpen as molestias.

más información
[23/10/17] ENTREGA IV PREMIO JOSÉ LUIS MURUZÁBAL

A Casa Rosa de O Burgo (Culleredo) acolleu a entrega do IV Premio José Luis Muruzábal a proxectos innovadores na área da saúde mental. O gañador desta edición foi o proxecto "As enfermedades mentais e a radio. A tertulia APEM", presentado por Radio Nordés-Cadena Ser.

Coa presenza de representantes dos concellos que integran o Consorcio As Mariñas e do concello de Culleredo, a viuva de José Luis Muruzábal, Toni Pérez fixo entrega do galardón a Pepe Formoso, periodista que modera o proxecto gañador do premio. A tertulia de Radio Nordés ten unha traxectoria de quince anos en antena. Comenzou no 2002 en Cee, emitíndose cada semana e na que participan persoas usuarias do Centro de Recuperación e Rehabilitación Psicosocial e Laboral que ten APEM. Ademais cada mes entrevistan a persoas recoñecidas da Costa da Morte e colaboran coa sección de deportes da emisora.

O xurado destacou da experiencia gañadora o carácter comunitario da mesma, trasladando á poboación en xeral, a través dun medio de comunicación, a problemática da saúde mental desde unha posición integradora e de normalización. Destácase tamén a importancia da consolidación no tempo desta iniciativa, amosando os seus promotores constancia e insistencia na actividade. Por último, e desde o punto de vista da persoa enferma mental, trátase dunha técnica de traballo en si, entendida como actividade rehabilitadora e de inserción.

A dotación económica do premio é de 2.000 ?.

 

más información
[28/09/17] XIII FESTIVAL INTERNACIONAL DE TÍTERES

 

O XIII Festival Internacional Consorcio As Mariñas Galicreques 2017 programa entre os meses de setembro, outubro e novembro un total de 21 funcións tanto de compañías galegas como de compañías procedentes de Arxentina, Francia, Brasil e España. Deste xeito, os nove concellos que conforman o Consorcio As Mariñas converteranse un ano máis nun espazo referencial para o xénero escénico de monicreques. O Festival, organizado polo Consorcio As Mariñas e a Asociación Cultural Barriga Verde coa cofinanciación da Deputación da Coruña, celebrou o pasado 15 de setembro unha primeira función da Illa dos Nenos, en Arteixo, que serviu de adianto para o groso da programación, que arrinca cun claro verniz internacional este venres 29 de setembro e se estenderá até o sábado 5 de novembro.

Así, este venres, o Auditorio do Centro Cívico Cultural de Arteixo recibirá ás 18.30 horas a Güe Güe, espectáculo infantil destinado a menores de 5 anos da compañías galega Larei Lará. O Festival tamén levará o venres 6 de outubro (20 horas) a Arteixo a función de Caperucita y otros lobos, dos cataláns Teatro la Estrella.

Pola súa banda, o Festival levará tres espectáculos a Cambre. A primeira das actuacións será este sábado 30 de setembro ás 18.00 horas no CSC do Graxal: Os soños da Gaiola, montaxe da compañía galega Títeres Alakrán. En outubro, o sábado 14 , os arxentinos El Colectivo representarán Viento ás 17.00 horas no CSC da Barcala, e os galegos Títeres Brincadeira chegarán o sábado 28 ás 18.00 horas ao CSC o Garaxal con Contos para pasalo de medo.

A Senra será a sede das actuacións do Festival en Bergondo, cuxas funcións serán Güe Güe, de Larei Lará, o sábado 30 de setembro ás 18.00 horas, e Circo Galaico, de Títeres Alakrán, o sábado 4 de novembro.

Abegondo acollerá, pola súa banda, dúas funcións escolares: Caperucita y otros lobos, de Teatro la Estrella, o luns 9 no CEIP San Marcos, e Viento, dos arxentinos El Colectivo, o mércores 25 de outubro no IES Viós.

O Festival Galicreques reclará no Auditorio da Casa da Cultura Pintor Lloréns de Sada coas obras A cabeza do dragón, adaptación do texto de Valle-Inclán a cargo de Títeres Cachirulo, o mércores 11 ás 11.30 horas; Circo Galaico, de Títeres Alakrán, o sábado 28 ás 18.30 horas e Cincenta, de Danthea Teatro, o domingo 29 ás 18.30 horas.

Oleiros, pola súa banda, terá no Auditorio da Fábrica outras tres actuacións: Pipa, el títere maravilla, dos cataláns La Puntual o venres 20 de outubro ás 18.00 horas; Le fumiste, dos franceses Don Davel, o sábado 21 ás 18.00 horas, e A cabeza do dragón, de Títeres Cachirulo, ás 12.00 do domingo 22.

Betanzos converterá o Edificio do Liceo nun teatro de monicreques o luns 21 de outubro (Le Fumiste, de Don Davel), o martes 24 (Viento, de El Colectivo) e o mércores 25 (O dia em que a morte sambou, dos brasileiros Valeria & Habib). As tres funcións celebraranse ás 11.00 horas.

O Edificio de Servizos Múltiples do Burgo (Culleredo), pola súa banda, contará coas actuacións de Títeres Alakrán, que levará o seu Circo Galáctico o venres 6 de outubro ás 19.30 horas; El Colectivo, que interpretará Viento o venres 20 de outubro ás 19.30 horas; e Teatro de Marionetas Trécola, que ofrecerá a montaxe O agasallo de Anya, o venres 27 ás 19.30 horas.

Finalmente, Carral terá dúas sedes nesta edición do Festival: o Local de Xente Nova de Tabeaio, que o venres 27 de outubro acollerá a representación Cenicienta, de La Mar de Marionetas, e o Edificio Toñito Espiñeira, que programa As aventuras de Gale, da Xanela do Maxín o sábado 28 de outubro.

más información
[10/08/17] RECOLLIDA 15 DE AGOSTO

O Consorcio As Mariñas informa que, con motivo do festivo do martes 15 de agosto, realizarase o servizo de recollida extraordinaria acordado polo Consorcio coa empresa concesionaria Ferrovial para domingos e festivos da época estival. Igualmente o mércores 16 de agosto o servizo de recollida funcionará con normalidade. Os dous días disporase de vehículos de reforzo se foran necesarios.

Por outra banda, os puntos limpos do Consorcio As Mariñas permanecerán pechados tanto o martes 15 coma o mércores 16 de agosto.

más información
Consorcio As Mariñas Lugar de Bos, Naves O Carballalll nº4 15640 Guisamo, Bergondo (A Coruña) Tlf. 981 784 704 Fax. 981 784 721 info@consorcioam.org