español  | galego 
Foto
 »  Consorcio As Mariñas »  Axenda

Encabezado Axenda

 

Axenda

Plugin axenda

[28/09/17] XIII FESTIVAL INTERNACIONAL DE TÍTERES

 

O XIII Festival Internacional Consorcio As Mariñas Galicreques 2017 programa entre os meses de setembro, outubro e novembro un total de 21 funcións tanto de compañías galegas como de compañías procedentes de Arxentina, Francia, Brasil e España. Deste xeito, os nove concellos que conforman o Consorcio As Mariñas converteranse un ano máis nun espazo referencial para o xénero escénico de monicreques. O Festival, organizado polo Consorcio As Mariñas e a Asociación Cultural Barriga Verde coa cofinanciación da Deputación da Coruña, celebrou o pasado 15 de setembro unha primeira función da Illa dos Nenos, en Arteixo, que serviu de adianto para o groso da programación, que arrinca cun claro verniz internacional este venres 29 de setembro e se estenderá até o sábado 5 de novembro.

Así, este venres, o Auditorio do Centro Cívico Cultural de Arteixo recibirá ás 18.30 horas a Güe Güe, espectáculo infantil destinado a menores de 5 anos da compañías galega Larei Lará. O Festival tamén levará o venres 6 de outubro (20 horas) a Arteixo a función de Caperucita y otros lobos, dos cataláns Teatro la Estrella.

Pola súa banda, o Festival levará tres espectáculos a Cambre. A primeira das actuacións será este sábado 30 de setembro ás 18.00 horas no CSC do Graxal: Os soños da Gaiola, montaxe da compañía galega Títeres Alakrán. En outubro, o sábado 14 , os arxentinos El Colectivo representarán Viento ás 17.00 horas no CSC da Barcala, e os galegos Títeres Brincadeira chegarán o sábado 28 ás 18.00 horas ao CSC o Garaxal con Contos para pasalo de medo.

A Senra será a sede das actuacións do Festival en Bergondo, cuxas funcións serán Güe Güe, de Larei Lará, o sábado 30 de setembro ás 18.00 horas, e Circo Galaico, de Títeres Alakrán, o sábado 4 de novembro.

Abegondo acollerá, pola súa banda, dúas funcións escolares: Caperucita y otros lobos, de Teatro la Estrella, o luns 9 no CEIP San Marcos, e Viento, dos arxentinos El Colectivo, o mércores 25 de outubro no IES Viós.

O Festival Galicreques reclará no Auditorio da Casa da Cultura Pintor Lloréns de Sada coas obras A cabeza do dragón, adaptación do texto de Valle-Inclán a cargo de Títeres Cachirulo, o mércores 11 ás 11.30 horas; Circo Galaico, de Títeres Alakrán, o sábado 28 ás 18.30 horas e Cincenta, de Danthea Teatro, o domingo 29 ás 18.30 horas.

Oleiros, pola súa banda, terá no Auditorio da Fábrica outras tres actuacións: Pipa, el títere maravilla, dos cataláns La Puntual o venres 20 de outubro ás 18.00 horas; Le fumiste, dos franceses Don Davel, o sábado 21 ás 18.00 horas, e A cabeza do dragón, de Títeres Cachirulo, ás 12.00 do domingo 22.

Betanzos converterá o Edificio do Liceo nun teatro de monicreques o luns 21 de outubro (Le Fumiste, de Don Davel), o martes 24 (Viento, de El Colectivo) e o mércores 25 (O dia em que a morte sambou, dos brasileiros Valeria & Habib). As tres funcións celebraranse ás 11.00 horas.

O Edificio de Servizos Múltiples do Burgo (Culleredo), pola súa banda, contará coas actuacións de Títeres Alakrán, que levará o seu Circo Galáctico o venres 6 de outubro ás 19.30 horas; El Colectivo, que interpretará Viento o venres 20 de outubro ás 19.30 horas; e Teatro de Marionetas Trécola, que ofrecerá a montaxe O agasallo de Anya, o venres 27 ás 19.30 horas.

Finalmente, Carral terá dúas sedes nesta edición do Festival: o Local de Xente Nova de Tabeaio, que o venres 27 de outubro acollerá a representación Cenicienta, de La Mar de Marionetas, e o Edificio Toñito Espiñeira, que programa As aventuras de Gale, da Xanela do Maxín o sábado 28 de outubro.

más información
[10/08/17] RECOLLIDA 15 DE AGOSTO

O Consorcio As Mariñas informa que, con motivo do festivo do martes 15 de agosto, realizarase o servizo de recollida extraordinaria acordado polo Consorcio coa empresa concesionaria Ferrovial para domingos e festivos da época estival. Igualmente o mércores 16 de agosto o servizo de recollida funcionará con normalidade. Os dous días disporase de vehículos de reforzo se foran necesarios.

Por outra banda, os puntos limpos do Consorcio As Mariñas permanecerán pechados tanto o martes 15 coma o mércores 16 de agosto.

más información
[11/07/17] CONVENIO DE PROMOCIÓN DO XEODESTINO AS MARIÑAS

O Presidente do Consorcio As Mariñas, José Antonio Santiso e a Directora da Axencia de Turismo de Galicia, Nava Castro, asinaron un convenio para a realización de actividades de promoción e información do xeodestino As Mariñas. Estiveron acompañados polo Delegado Territorial da Xunta, Ovidio Rodeiro, así como pola alcaldesa de Bergondo, Alejandra Pérez, o alcalde de Culleredo, Julio Sacristán, e por concelleiros/as do resto de concellos que integran o Consorcio As Mariñas.

No convenio recollense as actividades a realizar centradas na obra e a figura do Pintor Llorens como pintor da paisaxe das Mariñas e que inclúen rutas turístico-culturais, unha exposición itinerante ao aire libre e pinturas murais, entre outras accións e conta cunha financiación de 60.000 euros dos cales 48.000 son aportados pola Axencia de Turismo de Galicia.

A ruta do Pintor Llorens forma parte da candidatura das Rutas do Impresionismo para integrarse na Rede de Itinerarios Culturais Europeos que promove o Consello Europeo.

más información
[28/06/17] NOVOS MEDIOS DO SERVIZO DE RECOLLIDA DE RESIDUOS

O Consorcio As Mariñas, dentro do Plan de Modernización do Servizo de Recollida de Residuos Urbáns, ven de presentar os novos medios que permitirán mellorar o servizo. 16 camións (carga lateral, carga traseira e específicos de papel), 6.000 novos colectores (orgánico e inorgánico), minipunto limpo móbil, composteiros domiciliarios (800 unidades) e colectores específicos para peixeirías, son algunhas das novidades presentadas. Estos medios compleméntanse cunha Brigada Cívica integrada por dous técnicos medioambientais que percorrerán o territorio sensibilizando á poboación e detectando problemas, entre outros cometidos.

A inversión alcanza os 4,3 millóns de euros e realízase a través da empresa adxudicataria do servizo, Cespa.

más información
Consorcio As Mariñas Lugar de Bos, Naves O Carballalll nº4 15640 Guisamo, Bergondo (A Coruña) Tlf. 981 784 704 info@consorcioam.org