español  | galego 
Foto
 »  Consorcio As Mariñas »  Recursos do territorio

Recursos do territorio

RECURSOS DO TERRITORIO:


O Consorcio As Mariñas está formado por nove concellos. Cada un deles ten recursos naturais e industriais diferentes dos outros con outros moitos elementos que os unen.

Abegondo: de tradicional riqueza gandeira e madereira, debido á gran superficie forestal da que dispón o concello, encontra na auga e na natureza un dos seus principais actractivos. O encoro de Abegondo-Cecebre, confluenza dos ríos Mero e Barcés non só abastece de auga a numerosos concellos senón que é tamén unha zona húmida de alto valor.

Arteixo: cunha industria asentada e diversificada combina esta vocación industrial coas praias de area branca e fina bañadas polo Atlántico que a converten nun punto de encontro de numerosos turistas.

Bergondo: ademais da súa tradición no mundo da xoiaría, dispón dunha gran riqueza natural e paisaxística, con praias e zonas de marisma, co Pazo de Mariñán no corazón da mesma.

Betanzos: orientada a súa vocación comercial cara o pequeno comercio, a súa condición de cabeceira de comarca o converte nun polo de negocio para os concellos limítrofes. As súas festas patronais, co Globo e Os Caneiros e a Feira Franca Medieveal, converten o seu interesante casco histórico nun fervedoiro de xente.

Cambre: o crecemento poboacional das últimas décadas non ten impedido a aposta polo turismo de natureza e paisaxístico, co paseo polo Mero coma eixe vertebrador. O "Bosque encantado" que inspirou a Fernández Flórez ou unha xoia do románico coma a igrexa de Santa María, son puntos de atracción no territorio.

Carral: é o punto onde conflúen as dúas rutas do Camiño Inglés que, procedentes da Coruña e Ferrol, unen aquí o su camiño ata Santiago de Compostela. As rutas de sendeirismo, a depuradora de Cañás, de estilo modernista, ou a fama do seu pan, atraen o interés do visitante.

Culleredo: coa súa diversificación industrial e o aumento de poboación, este concello proporciona ao residente numerosas zonas de ocio e respiro. O paseo da Ría do Burgo é unha zona de esparcemento e práctica deportiva. O aeroporto da Coruña está situado neste concello polo que é a porta de entrada de numerosos viaxeiros.

Oleiros: co Monumento Natural Dexo-Serantes como máximo expoñente da riqueza paisaxística, este concello ofrece praias, oferta hosteleira, gastronomía, monumentos singulares,... o que, unido á súa situación estratéxica, o converten nun punto de atracción turística e de vida cultural.

Sada:imbuída polo seu espíritu mariñeiro, os portos deportivo e pesqueiro son referentes na costa atlántica. A cerámica de Sargadelos, as súas festas ou a oferta cultural son só algúns dos atractivos deste concello.

Consorcio As Mariñas Lugar de Bos, Naves O Carballalll nº4 15640 Guisamo, Bergondo (A Coruña) Tlf. 981 784 704 Fax. 981 784 721 info@consorcioam.org